İSMAİL MÜFTİ-ZADE İLİM VE MAARİF VAQFI QIRIMTATAR TİLİ OLİMPİYADASINA QOL TUTTI.

Qırım müendislik ve pedagogika universiteti, tarih, sanat, qırımtatar tili ve edebiyatı fakultetinde ananeviy Yaşlar içün qırımtatar tili Olimpiadasınıñ tantanalı taqdirlev tedbiri olıp keçti. Bu sene Olimpiadağa İsmail Müftiy-Zade İlim ve Maarif Vaqfı ve diger vatandaşlarımız qol tuttılar. Olarğa büyükten -büyük teşekkürlerimizni bildirerek, iş birligimiz devam etecegini ümüt etemiz.
Olimpiadada 100-den ziyade insan iştirak etti.Olardan 41 adam sınavlardan keçip,ekinci basamaqqa keçtiler. İştirakçiler arasında yuqarı sınıf talebeleri, filologlar, diger fakultetlerniñ ve QFUnıñ studentleri,universitet hadimleri bar edi. Yaşlar içün qırımtatar tili Olimpiadasını eki basamağını keçken iştirakçiler Fahriy yarlıqlar, sertifikatlar ve qıymetli bahşışlar ile taqdirlendi. Olar test vazifelerini, metinlerni ikâye etüv, diktant, beyan ve esseler kibi vazifelerni becerdiler. Ondan ğayrı, Qırımnıñ tarihı, medeniyeti, sanatı, tarihiy abidelerinen bağlı prezentatsiyalar azırlap, olarnı qırımtatar tilinde taqdim ettiler. Bu sene olimpiada universitet ocaları, rehberleri ve hadimleri iştirak etti.

Yardım etilgen miqdar: 30 000 Ruble.

İştiraq etken sponsorlar: Eldar Yayaçiq, Halil Köroğlu, Server Seitaplaev, Ennan İmailov, Muhamed-Ali Sulaymanov